Denok batera letra

 

La, larala, la, la, la, la, la,

denok batera…

 

Bidai magiko batean

murgilduko naiz

ametsetan, bakardadean.

Kantatzen duen herria

entzun dut bat-batean.

 

Begira mendira,

loreak loratzen hasi dira alai-alai.

Begira herrira,

lortu da justizia.

 

Zeruan, hodeiak,

dantzaka noraezean,

zer naizen pentsatzean.

 

Mundu berri bat eskuetan,

etorkizuna denon artean,

zintzotasunean bustiko gara

elkarren ondoan.

 

La, larala, la, la, la, la, la,

denok batera…

 

Ta nortasuna eraikiz

aurrera noa,

inposatutako rolak haustean.

Eskubideak ekintzaz bete,

ez! hitzetan gera.

 

Begira hiria,

askatasuna kalean barrena doa.

Begira herria, elkartasuna.

 

Zeruan, hodeiak,

dantzaka noraezean,

zer naizen pentsatzean.

 

Mundu berri bat eskuetan,

etorkizuna denon artean,

zintzotasunean bustiko gara

elkarren ondoan.

 

Maitasun eztanda

barreiatu da airean,

maitasun eztanda

airean.

 

Tinko bultz egin harkaitz handiari,

etorkizuna hor duzu.

Lortuko dugu, aurrera egin beti,

ta garaipena hor dugu.

Guztiok, denok batera.